குழந்தையின் ராசி அல்லது பிறந்த நட்சத்திரத்தின் படி பெயரிடப்படும் வழக்கம் இருந்து வருகிறது. அதாவது, குழந்தை பிறந்த போது சந்திரன் நின்ற துலாம் ராசி, நட்சத்திரத்திற்குறிய எழுத்தினை பெயரின் முதல் எழுத்தாகக் கொண்டு பெயர் சூட்டப்படும் போது குழந்தையின் வாழ்வு மங்களகரமானதாக இருக்கும் எனக் கருதப்படுகிறது.
Baby Birth Rashi
துலாம் ராசியின் அதிபதி சுக்கிர பகவானாவார். துலாம் ராசியில் சித்திரை நட்சத்திரத்தின் 3, 4ம் பாதமும், சுவாதி, விசாகம் நட்சத்திரத்தின் 1,2,3 பாதங்களும் இதில் அடங்கும். துலாம் ராசிக்காரர்கள் தங்களை அழகு படுத்திகொள்வதில் ஆர்வம் அதிகம் கொண்டவர்கள்.
| ஆண் குழந்தை | பெண் குழந்தை | Letters |
|---|---|---|
| சித்திரை (பாதம் 3,4) | சித்திரை (பாதம் 3,4) | RA, RI ர,ரி |
| சுவாதி | சுவாதி | RU, RE, RO, THA ரு, ரே,ரோ, த |
| விசாகம் (பாதம் 1,2,3) | விசாகம் (பாதம் 1,2,3) | THI, THU, THE, THO தி,தீ, து,தே,தோ |
நீதி, நேர்மைக்கு அதிக முக்கியத்துவம் கொடுப்பார்கள். மற்றவர்களை எடை போடுவதில் வல்லவர்கள். எவ்வளவு இக்கட்டான சூழ்நிலையிலும் சந்தோஷமாக இருபதையே விரும்புவார்கள். எல்லா விஷயத்தையும் அலசி ஆராய்ந்து ஒரு முடிவுக்கு வருவார்கள். எடுத்தோம், கவிழ்த்தோம் என்று எதையும் செய்ய மாட்டார்கள். இவர்கள் ஒருவருக்கு வாக்கு கொடுத்துவிட்டால் அதை எப்பாடு பட்டாயினும் செய்து முடித்து காட்டுவார்கள். தோல்விகள் வந்தால் துவண்டு போக மாட்டார்கள்.
துலாம் ராசிகாரர்கள் யாரையும் சார்ந்து இருக்க மாட்டார்கள். இவர்களுக்கு வைராக்கியம் அதிகம் இருக்கும். இவர்கள் கௌரவத்திற்க்கு அதிக முக்கியத்துவம் கொடுப்பார்கள். இவர்களின் வாழ்க்கைதுனையும் இவர்களின் விருப்பு, வெறுப்புகளுக்கு ஏற்றவாறு நடந்து கொள்வார்கள். இவர்கள் கருணை உள்ளம் கொண்டவர்கள். குடும்ப பொறுப்புகள் அதிகம் இருக்கும். பொது சேவைகள் செய்வார்கள்.
துலாம் ராசிகாரர்களிடம் பேசி ஜெயிப்பது என்பது இயலாத காரியம். மற்றவர்களை துல்லியமாக எடை போடுவதில் வல்லவர்கள். பயணங்கள் செய்வது இவர்களுக்கு விருப்பமான ஒன்று. தன் சொந்த முயற்சியில் முன்னேறுவதையே விரும்புவார்கள். யாருடைய தயவையும் எதிர் பார்க்க மாட்டார்கள்.